Watu 79 waliowekwa karantini wilaya ya Wete waruhusiwa kutoka





JUMLA ya watu 79 waliokuwa wamewekwa karantini kwenye kambi ya Chasasa wilaya ya Wete wameruhusiwa kutoka na kutakiwa kuwa mabalozi katika sehemu wanazoishi kwa kuhakikisha wanaeneza elimu ya kujikinga na virusi vya Corona.

Hata hivyo kutoka watu hao ikawa fursa kwa wengine 93 kuingia ndani ya kambi baada ya kuwasili wakitoa nje ya Kisiwa.

Mkuu wa wiaya ya Wete Keptein Khatib Khamis Mwadini aliwataka kuendelea kufuata masharti ya wataalamu wa afya.

Alisema elimu waliyoipata wakati wakiwa karantini wakaitumie kwa ajili ya kujikinga wao pamoja na jamaa zao juu ya virusi vya Corona.

“Leo  mnatoka nawaomba sana mkawe walimu kwa jamii inayowazunguka lengo ni kuikinga na maambukizi ya virusi vya Corona”alisema.

Katibu Tawala Wilaya  ndogo  Kojani Makame Khamis Makame aliwataka kuhakikisha wanajiepusha na mikusanyiko ya watu hususani maswala ya kucheza mipira.

“Hapa tunazungumza na kila mmoja anapiga makofi, lakini najua mkifika kwenu hasa wanaoishi kisiwa cha Kojani utasikia jioni wako mazoezini jambo ambalo halitakiwi”alisema.

Naye Afisa Afya Wilaya ya wete Mwarabu Ali Nuhu akizungumza na wananchi hao alisema ni vyema kila mmoja akahakikisha anafuata maelekezo yanyotolewa na serikali.

“Hili janga lipo na linaendelea kuitsa dunia , hivyo tunaaswa kuacha mazaha kwa kuhakikisha wanaitumia vyema elimu waliyoipata wakati wakiwa ndani ya kambi”alisisitiza.

Baadhi ya wananchi wakizungumza baada ya kutoka karantini walisema kitendo cha wao kuwekwa karantini kumewawezesha kupata taaluma na kuahidi kuifikisha kwa wengine.

“Mwanzo nilipaniki kuletwa hapa, kumba baada ya muda nilibaini kwamba kuna faida nyingi ikiwemo pamoja na kuchunguzwa afya yangu”alisema Fatma Adam Othman wa Kiuyu Kigongoni.

Hata hivyo watu sita ambao waliingia Pemba wakitoka Kenya na Msumbiji wataendelea kusalia karantini wakisubiri tamko la serikali.

About Celebu 6159 Articles
Number 1 Online Kenya/East Africa Music Distributions and Promotion, All Rights Reserved. On DJ Celebu website we offer you some DJ Mixtapes, Gengetone, RnB, Hip Hop, Reggae, Gospel, Bongo Flava, Taarab, Asili, Mp3 Audio Downloads, Mp4 Videos Downloads.

Be the first to comment

Leave a Reply

Your email address will not be published.


*